As sete marabillas

A pirámide de Keops, os xardíns colgantes de Babilonia, o templo de Artemisa en Éfeso, a estatua criselefantina de Zeus en Olimpia, a tumba de Mausoleo en Halicarnaso, o coloso de Rodas e o faro de Alexandría provocaron sempre, desde remotas épocas, o asombro e a admiración pola súa extraordinaria decoración ou pola proeza técnica que supoñía a súa realización. Así foi como, ó longo dos séculos, estableceuse a lista das Sete Marabillas do mundo.

A Pirámide de Keops. Construíronse en Exipto en torno ó 2.575 a. C. Mide 146 m de altura sobre unha base cadrada de 250 m de lado. Cóntase que fixeron falla 100.000 homes durante 20 anos para construíla. É a única “marabilla” que aínda se conserva.

Os xardíns colgantes de Babilonia. Nabucodonosor II (605-562 a. C.) rei de Babilonia, construíu estes magníficos xardíns escalonados para unha das súas mulleres que se atopaba moi triste. Consistían nunha serie de terrazas axardinadas que formaban unha especie de montaña artificial. A pesar de que existen descricións, os arqueólogos buscan aínda o seu emprazamento.

O templo de Artemisa. Construído orixinariamente no 550 a. C. en Éfeso (Grecia). Este templo queimouse e máis tarde foi reconstruído. A estatua de ouro de Artemisa foi destruída e só queda unha das 127 columnas xónicas.

A estatua de Zeus. Construída en Olimpia (Grecia). Estatua enorme do rei dos deuses que era de marfil e ouro. Medía 12 m de altura e foi labrada polo escultor grego Fidias.

O sepulcro de Mausoleo. En Halicarnaso (Turquía). Esta inmensa tumba de mármore do gobernante turco Mausoleo, construiuse no 350 a. C. Só se conservan os cimentos pero hai algunhas estatuas dela no Museo Británico de Londres.

O Coloso de Rodas. Esta estatua de bronce do deus do Sol, Helios, estaba a máis de 30 m. de altura na entrada do porto de Rodas, Grecia. Foi construído no ano 285 a. C. e un terremoto derrubouna 55 anos máis tarde.

O faro de Alexandría. Construído sobre o ano 297 a. C. na illa de Pharos, Alexandría, Exipto. Medía 134 m e foi destruído no século XIV. Pola noite ardía un lume que se reflexaba en espellos de bronce. Tres terremotos reducíronmo a escombros.