Personaxes: Simonetta Vespucci |
| Botticelli. Venus e Marte |
Simonetta e Marco trasladáronse a Florencia para casar e establecer alí a súa residencia. Con tan só 16 anos casou co florentino Marco Vespucci, veciño e amigo de Botticelli, e cando o pintor coñeceu á noiva, namorouse instantáneamente dela e converteuna na súa musa e modelo de multitude dos seus cadros.
Os nobres florentinos tiñan verdadeira obsesión con esta muller. Os irmáns Giuliano e Lorenzo de Medici sucumbiron aos seus encantos e quedaron prendados da súa beleza. Con toda ostentación rivalizaron en máis dunha ocasión e manifestáronlle a súa admiración. Malia o seu poder, ambos irmáns foron rexeitados pola distante loura.
O 26 de abril de 1476, Simonetta Vespucci faleceu por mor da tuberculosis cando apenas contaba con 23 anos. Malia o dramático da morte de Simonetta tan nova, o seu esposo volveuse casar moi pronto.
Pero Botticelli non puido soportar a perda da súa amada, e viviu o resto da súa vida obsesionado coa súa beleza, retratándoa continuamente. O pintor, que nunca casou, faleceu en 1510 e foi enterrado aos pés da tumba de Simonetta, tal e como expresara na súa última vontade. Quizá foi a única forma que atopou para poder pasar a eternidade xunto á muller máis bela do Renacimiento. Un amor prohibido que marcou a carreira dun dos grandes pintores.
Aínda máis...
# O seu marido era familiar de Américo Vespucci, o cartógrafo que lle deu o seu nome a un continente.
# Simonetta nunca chegou a posar para Botticelli.
# En 1.473, cando tiña uns 20 anos, tivo lugar en Florencia un fastuoso festexo para celebrar as vodas de Eleonora de Aragón, filla do rei de Nápoles, co conde Ercole d´Leste. Nun atardecer de San Xoán, nos xardíns do Palazzo Lenzi, Eleonora, Simonetta e Albiera degli Abizzi, interpretaron unha danza que marcou a lume a memoria dos florentinos. Este momento máxico atópase inmortalizado na escena das tres Grazas do cadro titulaado "A Primavera" de Botticelli.
# Os gobernantes de Florencia dedicábanlle festas o día do seu cumpreanos, enganando ao pobo e mentindo en canto a por que se paralizaba a cidade un 28 de xaneiro (día do seu cumpreanos). Ás veces, os Medici dicían que estaban celebrando a amizade entre Milán, Venecia e Florencia. Outras veces, como cumprimento dun centenario; daba igual, o 28 de xaneiro Guliano e Lorenzo Medici retábanse a ver quen se facía co bico de Simonetta, por certo, felizmente casada.
# O 28 de xaneiro de 1.475 (día do seu cumpreanos de Simonetta) celebrouse un torneo de xustas na Piazza da Santa Croce para conmemorar a alianza entre as repúblicas de Florencia e Venecia. Neste revival medieval, Giuliano apareceu cunha marabillosa armadura de prata obra de Verrocchio, o mestre de Leonardo, e portando un estandarte pintado por Botticelli no que se vía a inconfundible silueta de Simonetta caracterizada como Palas Atenea. Unha lenda en francés dicía: "La Sans Pareille" ("A Incomparable"). Giuliano gañou o torneo e a partir de entón foi coñecida como a muller máis fermosa de Florencia e máis tarde do Renacimiento. A fama de Simonetta extendeuse por toda Europa.
# Simonetta morre o 26 de abril de 1.476 de tisis (tuberculose), moi común por aquel entón. Na fase terminal da enfermidade as faccións afínanse e a pel tórnase dunha palidez case sobrenatural. Os seus contemporáneos chegaron a dicir que aínda estaba máis fermosa defunta que en vida. Para que todos puidesen contemplala por última vez, descubríuselle o rostro e así desfilou solemnemente o cortello polas rúas de Florencia.
# O 26 de abril de 1.478, no segundo aniversario do seu falecemento, Giuliano foi asasinado na catedral de Florencia mentres se celebraba a misa de Pascua. O seu irmán Lourenzo logrou sobrevivir ao ataque, pero a época dourada do Renacimiento florentino tiña os días contados.
# Simonetta apareceu como Cleopatra, a deusa Flora, a deusa Atenea e por suposto, como a deusa Venus. Foi a Virxe, a Madonna da Granada e colouse ata no mismísimo Vaticano. Alí, no fresco As tentacións de Moisés, Simonetta Vespucci mira desde a Capela Sixtina a millóns de persoas cada ano.
# Poucas mulleres deixaron un recordo tan imperecedero na historia como Simonetta. Foi coñecida como "a muller máis fermosa de Italia e do mundo", como dixo Sandro Botticelli, e o que diga un artista toscano vai a misa, despois de todo, eles son os que provocan a Síndrome de Stendhal. A síndrome de Stendhal (tamén denominado Síndrome de Florencia ou "estrés do viaxeiro") é unha enfermidade psicosomática que causa un elevado ritmo cardíaco, vértigo, confusión, tremor, palpitaciones, depresións e ata alucinaciones cando un individuo é exposto a obras de arte, especialmente cando estas son particularmente belas ou están expostas en gran número nun mesmo lugar.
