Grecia: O Partenón

O Partenón substituíu a un templo anterior no mesmo emprazamento, coñecido como o Pre-Partenón ou Hecatompedón, construído antes das Guerras Médicas, e destruído polos persas.
A construción do monumento, realizada, case exclusivamente en mármore branco do monte Pentélico, foi iniciada por Pericles como agradecemento aos deuses pola súa vitoria contra os persas e desenvolveuse entre os anos 447 e 432 a. C. Os arquitectos encargados da obra foron Ictino e Calícrates e estiveron, na maioría dos casos, baixo as ordes do arquitecto e gran escultor ateniense Fidias, autor da decoración escultórica e da gran estatua criselefantina de Atenea Partenos que estaba situada como peza central do templo (medía doce metros de altura e para a súa elaboración necesitáronse 1.200 quilogramos de ouro). (Wikipedia).

No seguinte vídeo faise un repaso da súa historia.